Vetëvritet kryeinfermierja e spitalit të Gjilanit

Sipas policisë nga hetimet fillestare mund të konstatohet se ajo është gjetur e varur në litar nga familjarët në ballkonin e shtëpisë së saj

Është gjetur e vdekur në shtëpinë e saj kryeinfermierja e repartit të emergjencës së Spitalit Rajonal të Gjilanit, Xhylie Hajdari. Policia thotë se ajo ka kryer vetëvrasje. Sipas policisë nga hetimet fillestare mund të konstatohet se ajo është gjetur e varur në litar nga familjarët në ballkonin e shtëpisë së saj.

“Në vend ngjarje ka ardhur edhe ekipi mjekësor që ka konstatuar vdekjen e viktimës. Prokurori i shtetit ka urdhëruar që trupi i pajetë i të ndjerës të dërgohet për kryerjen e obduksionit në Institutin e Mjekësisë Ligjore në Prishtinë.

Rasti është klasifikuar si “Vdekje e dyshuar” dhe është duke u hetuar në bashkëveprim me Prokurorinë Themelore në Gjilan”, ka thënë zëdhënësi i policisë së Gjilanit, Ismet Hashani. Ai ka shtuar se ende nuk dihen motivet e kësaj ngjarje.