KDI e shqetësuar me gjuhën denigruese të përdorur në Kuvend

Instituti Demokratik i Kosovës shpreh shqetësimin lidhur me gjuhën denigruese të përdorur, në veçanti të dy ditëve të fundit, në seancën plenare të Kuvendit të Kosovës, përcjell albinfo.ch.

“Është e papranueshme që deputetët e Kuvendit të fyejnë njëri tjetrin dhe të përdorin gjuhë misogjene. Kuvendi i Kosovës si institucioni më i lartë i shtetit, duhet të shërbejë si vend ku promovohen vlerat e demokracisë,  të drejtat e njeriut dhe barazia gjinore, e jo të shndërrohet në arenë ku përplasjet dhe fyerjet janë normale”, thuhet në reagim.

KDI-ja i bën thirrje të gjithë deputetëve që t’i japin fund gjuhës jo parlamentare dhe të përmbahen nga fyerjet e vazhdueshme.