Shpenzimet për shëndetësi: 800 franga në muaj për person

Marrë në tërësi, Zvicra gjatë vitit 2016 ka shpenzuar për shëndetësi gjithsej 80.7 miliardë franga, që, në krahasim me vitin paraprak është për 3.8% më shumë

Shpenzimet shëndetësore mesatare për kokë banori në Zvicër llogariten në 800 franga në muaj.

Marrë në tërësi, Zvicra gjatë vitit 2016 ka shpenzuar për shëndetësi gjithsej 80.7 miliardë franga, që, në krahasim me vitin paraprak është për 3.8% më shumë, shkruan sda.ch.

Rritje të shpenzimeve ka pasur para së gjithash për financimin e spitaleve, bëhet e ditur në një raport të përkohshën që e ka publikuar sot Zyra Federale e Statistikave.

Rreth një e treta e kostos prej 80.7 miliardë frangave është mbuluar nga sigurimi shëndetësor, transmeton albinfo.ch. Afër 30 për qind përveç premive të sigurimit dhe tatimeve janë detyruar t`i paguajnë vetë qytetarët, shfrytëzues të shërbimeve mjekësore. Në këtë pikë bëhet fjalë në radhë të parë për shpenzimet për shtëpitë e pleqve dhe të hendikepuarve si dhe për shpenzimet e trajtimit të dhëmbëve.