Rinisin kërkimet për dy policët e zhdukur në Lepenc

Njësitet e FSK-së kanë rinisur kërkimet për gjetjen e trupave të dy policive, të cilët janë zhdukur pas një aksidenti mbrëmjen e së shtunës në magjistralen Kaçanik-Hani i Elezit.

Kërkimet, të cilat rezultuan pa sukses, u ndërprenë mbrëmë për shkak të kushteve, përcjell albinfo.ch.

Policia e Kosovës thotë se për shkaqe ende të panjohura, vetura në të cilën gjendeshin dy policët kishte humbur kontrollin dhe kishte dalë nga rruga, duke rënë nga një lartësi në rrjedhën e lumit Lepenc.
Lidhur me këtë rast kryeministri i Kosovës, Ramush Haradinaj ka vizituar vendin e ngjarjes, nga ku ka thënë se do t’i kërkojë shtetit të Maqedonisë që të lejohen pjesëtarët e FSK-së që edhe në atë pjesë të vazhdojnë kërkimet.