Vazhdojnë kërkimet për dy policët e zhdukur

Ekipet e FSK-së, të Policisë së Kosovës dhe zjarrfikësve kanë nisur operacionin e kërkimit për dy policët e zhdukur të shtunën në mbrëmje, pas një aksidenti në rrugën Kaçanik-Hani i Elezit.

Në ditën e tretë të kërkimeve FSK-ja ka shtuar numrin e pjesëtarëve të saj, ndërsa kanë paralajmëruar se përveç në lumin Lepenc, kërkimet do të vazhdojnë edhe në pjesën malore, përcjell albinfo.ch.

Gjatë kërkimeve të dy ditëve të mëparshme nuk është arritur asnjë rezultat, ndërsa komandanti i FSK-së, Rraman Rama, ka thënë se kërkimet nuk do të ndalen deri në gjetjen e tyre. Ndërsa policia ende nuk ka dhënë detaje të hetimeve, duke thënë se ende nuk dihen shkaqet e aksidentit.