Yjet e futbollit shqiptar dhe zviceran bëjnë me shtëpi një familje në Gjilan

Lorik Cana, Xherdan Shaqiri, Taulant Xhaka, Andi Zeqiri, Enis Bardhi, Migjen Basha, Florent Hadërgjonaj dhe Liridon Krasniqi, por edhe disa të ekipit të Zvicrës si Johan Djourou, Francois Moubandje dhe Kevin Bua, kanë dhuruar fanellat e tyre, dhe këto fanella janë shitur në këtë organizim

Shoqata Humanitare “Jetimat e Ballkanit”, ka njoftuar se ka bërë edhe një familje me kulm mbi kokë, derisa donatorët janë të veçantë, shkruan albinfo.ch.

“Jetimat e Ballkanit” kanë falënderuar Shoqatën DPSC me seli në Gjenevë.

Kjo shoqatë ka organizuar një turne futbolli, ku futbollistët e njohur shqiptarë, Lorik Cana, Xherdan Shaqiri, Taulant Xhaka, Andi Zeqiri, Enis Bardhi, Migjen Basha, Florent Hadërgjonaj dhe Liridon Krasniqi, por edhe disa të ekipit të Zvicrës si Johan Djourou, Francois Moubandje dhe Kevin Bua, kanë dhuruar fanellat e tyre, dhe këto fanella janë shitur në këtë organizim, transmeton albinfo.ch.

Të gjitha të hyrat që janë mbledhur janë dhuruar te “Jetimat e Ballkanit”, që ta ndërtojnë një shtëpi për një familje nevojtare në Komunën e Gjilanit.

Tashmë familjes 7-anëtarëshe të Ahmetit Kastratit nga Gjilani ju nis ndërtimi i shtëpisë së re.