Arrestohet aktivisti i VV-së Egzon Balaj

Lëvizja Vetëvendosje njofton se policia sot ka arrestuar aktivistin Egzon Balaj, i cili po kalonte në kufirin me Republikën e Shqipërisë.

Ai është dërguar menjëherë në paraburgim, kurse i është thënë se arrestimi i tij është bërë për shkak të pjesëmarrjes në një aksion të vitit 2015, përcjell albinfo.ch.

“Pushteti është duke vazhduar përndjekjen e aktivistëve derisa është krejt i pazot përballë keqbërësve më të mëdhenj të vendit. Aktivistët e Vetëvendosjes dhe aksionet e organizatës gjithmonë janë në mbrojtje të së mirës publike. Asnjë gjyqi as policie nuk do të duhej t’i pengonte kjo. Sistemi gjyqësor e ka humbur orientimin duke e përndjekur Vetëvendosjen, e duke mbushur burgjet me njerëzit më të përjashtuar dhe të varfër e ndërkohë duke i mbyllur sytë krejtësisht para krimit e korrupsionit”, thuhet në reagimin e kësaj partie.