Futbollisti Mohamed Salah ka kopjen e tij, në Egjipt

Që nga flokët deri tek buzëqeshja e tij, sytë dhe mjekra, një egjiptian me ngjashmëri të pabesueshme me sulmuesin e Liverpoolit, Mo Salah, ka tërhequr vëmendjen e të gjithëve në Kajro, derisa u ishte bashkuar adhuruesve të tjerë të futbollit për të parë heroin kombëtar duke garuar në gjysmëfinalen e Ligës së Kampionëve mes Liverpoolit dhe Romës.

Adhuruesit e superyllit Salah kanë bërë shumë fotografi me Ahmed Bahaan, derisa personi që ngjan me të ishte shumë i zënë në Romë, duke ndihmuar ekipin të sigurojë vend në finalën e kësaj gare me rezultat në total 7 me 6 ndaj Romës. Kamarierët dhe klientët nuk e linin të qetë, derisa e përqafonin dhe bënin fotografi me Bahan, 30-vjeçarin e diplomuar në biznes, i cili Salahun e kishte takuar në vitin 2016.

Dallimi mes futbollistit dhe Bahas është shumë i vogël, derisa takimi i tyre ishte i shkurtër në një rrugë në qytetin egjiptian, Nagrig. Dyshja ka buzëqeshje identike, flokë, mjekra e për të hutuar shikuesit edhe më shumë vishen ngjashëm. Sidoqoftë, Salah ishte bërë sensacion brenda natës në Egjipt prejse iu bashkua Liverpoolit vitin e shkuar, përcjell albinfo.ch.

Sot, kafenetë në gjithë vendin janë përplot tifozë të këtij klubi anglez, e rrugët janë të mbushura me pllakate e grafite që glorifikojnë futbollistin. Baha ndërkaq foli për takimin që e kishte me futbollistin. “Salah kishte mbetur pa tekst kur më kishte takuar. Më tha se po i dukej sikurse po qëndronte para pasqyrës, por megjithatë unë jam pak më i madh nga ai”, tha Baha.  Baha pohon se është nder të ngjajë me Mo-në, sepse ai është një person i cili po i sjell gëzim Egjiptit aktualisht.