“Swiss” transporton më shumë pasagjerë

Krahasuar me shifrën e vitit të kaluar, numri i udhëtarëve, duke përjashtuar udhëtarët e “Edelweiss”, u rrit me 8 për qind, në 1.59 milion

Linja ajrore zvicerane “SWISS” ka transportuar më shumë pasagjerë në muajin prill dhe ka kryer edhe më shumë fluturime. Krahasuar me shifrën e vitit të kaluar, numri i udhëtarëve, duke përjashtuar udhëtarët e “Edelweiss”, u rrit me 8 për qind, në 1.59 milion.

Në të njëjtën kohë, numri i fluturimeve u rrit me 4.3 për qind, në 12.321, siç shkruan në një deklaratë kompania, përcjell albinfo.ch. Shkalla e shfrytëzimit të avionit sipas faktorit  të ngarkesës së pasagjerëve u përmirësua me 0.3 pikë përqindjeje, në 85.2 për qind.

I gjithë Grupi Lufthansa raporton rritje të pasagjerëve prej mbi 9 për qind, në 12.19 milionë pasagjerë në prill. Plotësimi i vendeve ishte 81.2 për qind, që korrespondon me një rënie prej 1.1 pikë përqindjeje.