Zvicra, 1 miliard franga në vit për hulumtuesit shkencorë

Numri total i projekteve hulumtuese të regjistruara si të mbështetura nga SNF gjatë vitit 2017 ka qenë 5800. Në këto projekte kanë qenë të përfshirë rreth 16.000 studiues, 37 për qind të të cilëve, gra

Foto ilustrim

Fondi Nacional i Zvicrës (SNF) gjatë vitit të kaluar ka mbështetur hulumtuesit shkencorë me më shumë se 1 miliard franga. Kjo shumë e parave është ndarë për një numër prej agër 3000 projektesh të reja shkencore.

Siç bën të ditur SNF, nga 6041 kërkesat e ardhura për financim, kriteret e ashpra të përzgjedhjes për mbulim financiar i kanë plotësuar 2971 sish.

Mbështetja financiare sipas rregullit vlen për katër vite.

Numri total i projekteve hulumtuese të regjistruara si të mbështetura nga SNF gjatë vitit 2017 ka qenë 5800, treansmeton albinfo.ch. Në këto projekte kanë qenë të përfshirë rreth 16.000 studiues, 37 për qind të të cilëve, gra.

SNF mbështet dhe promovon hulumtimin shkencor në Zvicër. Në pjesën e tij më të madhe, ky fondacion financohet nga kontributet që i jep federata.