Katër tifozë të arrestuar e tetë të lënduar pas ndeshjes Prishtina-Drita

Policia në Pejë njofton se gjatë dhe para ndeshjes së futbollit ka arrestuar katër persona për prishje të rendit dhe qetësisë publike.

Pas përfundimit të ndeshjes gjatë shpërndarjes së tifozëve, në rrugën Pejë-Prishtinë në dalje të qytetit ka ndodhur një incident ku gjatë përleshjes në mes të tifozëve të dy ekipeve, janë lënduar tetë (8) persona të cilët janë dërguar ne Spitalin Rajonal në Pejë për tretman mjekësor, ndërsa një (1) nga të lënduarit ka pësuar lëndim të rëndë trupor dhe i njëjti është dërguar në QKUK për trajtim të mëtutjeshëm, përcjell albinfo.ch.

Sipas ekipit mjekësor gjendja e të gjithë të lënduarve është jashtë rrezikut për jetë. Në koordinim të plotë me Prokurorin e Shtetit një (1) nga të lënduarit tani i dyshuar i caktohet masa e ndalimit policor.