Tahiri: Të miratohet Kodi në Kuvend, për shkak të liberalizmit

Ministri ka shprehur domosdoshmërinë që ky projekt-kod të miratohet në Kuvend deri në fund të qershorit, meqë është në mesin e kushteve për liberalizim vizash

Komisioni për Legjislacion e ka shqyrtuar Projekt-Kodin Penal të Republikës së Kosovës, ku janë më shumë se 100 nene, të cilat kanë pësuar ndryshime.

Ministri i Drejtësisë, Abelard Tahiri, ka thënë se në kapitullin kundër krimit të organizuar e korrupsionit janë ndryshuar 19 nene. Ministri ka shprehur domosdoshmërinë që ky projekt-kod të miratohet në Kuvend deri në fund të qershorit, meqë është në mesin e kushteve për liberalizim vizash.

Tahiri ka bërë të ditur se me këto ndryshime është rritur afati i vjetërsimit të lëndëve. Anëtarët e komisionit kanë kritikuar dokumentin që thanë se ka shumë gabime gjuhësore.

Deputeti i Vetëvendosjes, Sami Kurteshi, dhe deputeti serb, Igor Simiq, kanë kërkuar që projektligji t’i kthehet sërish Qeverisë për përmirësime, por komisioni, me 6 vota, e ka kaluar si të tillë, derisa një ka qenë kundër e një ka abstenuar.