Kurti kishte akuzuar Ahmetin se ka kontratë me ambasadat për ta rrëzuar

“Aty nuk u mohua ajo, por më thanë ‘po se në 2010 je takuar me ambasadorin Dell”

Shpend Ahmeti, ka thyer heshtjen e tij të deritanishme dhe ka folur për largimin nga Vetëvendosja dhe marrjen në udhëheqje të një partie të re.

Ahmeti ka shpalosur në “Zona e Debatit” në Klan Kosova se si ishte akuzuar se po bashkëpunon me ambasadat e huaja për ta rrëzuar Albin Kurtin.

“Karshi meje kishte pasur një mosbesim të jashtëzakonshëm, gjatë kohës kur unë kam menduar se thjesht jemi njerëzit më të afërt në politikë”, përcjell albinfo.ch.

“Në një moment Dardan Molliqaj i thotë Albinit që ‘a më ke thënë ti mua para dy muajsh se dallimi mes meje dhe Shpendit është se unë kam marrëveshje me Baton Haxhiun, ndërsa Shpendi ka kontratë të nënshkruar me ambasadat e huaja për të më rrëzuar mua’, kjo ishte e befasishme për mua”, ka deklaruar Ahmeti.

“Aty nuk u mohua ajo, por më thanë ‘po se në 2010 je takuar me ambasadorin Dell”.

Ahmeti më tutje ka folur për largimin nga Vetëvendosja, dhe për postin e kryetarit në Partinë Social Demokratike të Kosovës.