Dy të vdekur nga aksidenti në magjistralen Prishtinë-Ferizaj

Dy persona kanë humbur jetën nga aksidenti që ka ndodhur sot rreth orës 15:00 në magjistralen Prishtinë-Ferizaj, saktësisht në fshatin Lugagji, komuna e Lipjanit.

Lajmin për “klankosova.tv” e ka konfirmuar Zëdhënësi i Policisë Rajonale, Agron Borovci, përcjell albinfo.ch.

“Nga ky aksident kanë humbur jetën dy persona ndërsa një është e lënduar rëndë. Në aksident kanë qenë të përfshira një autobus dhe tri vetura. Policia e trafikut ka dalë në vendin e ngjarjes dhe po kryen ekzaminimet e nevojshme si dhe ka nisur një hetim të detajuar lidhur me rrethanat që kanë sjellë deri tek ky aksident tragjik”, ka thënë ai.

Ndërsa dëshmitarët nga vendi i ngjarjes kanë thënë që autobusi ka qenë në shpejtësi.