MPJ-ja reagon në lidhje me njohjen nga Guinea-Bissau

Rënia pre e fushatës së egër propagandistike dhe të lajmeve të rreme serbe është e papranueshme, joprofesionale dhe në kundërshtim me interesin nacional të vendit"

Ministria e Punëve të Jashtme thotë se ka pranuar zyrtarisht Notën Verbale nga Ambasada e Republikës së Guinea-Bissau-t në Bruksel, që mban datën 24 Janar 2018 nëpërmjet të cilës është ri-konfirmuar njohja e Kosovës si shtet i pavarur dhe sovran, vendim ky që ishte marrë nga ish-Presidenti i këtij shteti, Malam Bacai Sanhá, me datën 10 Janar, 2011.

Ky ishte konfirmim zyrtar i Notës Verbale tek Institucionet e Kosovës nëpërmjet kanaleve diplomatike.

“Ministria e Punëve të Jashtme e ka shpërndarë të njëjtin dokument tek mediat vendore me 2 Shkurt, 2018 andaj çdo rënie pre e fushatës së egër propagandistike dhe të lajmeve të rreme serbe është e papranueshme, joprofesionale dhe në kundërshtim me interesin nacional të vendit për të forcuar subjektivitetin dhe integrimin ndërkombëtarë”, thuhet në reagim.