Burgim për belgun që ndihmoi shqiptarin të emigrojë në Angli

Një çift me dy fëmijë nga Shqipëria përdorën një avion të vogël privat të një shtetasi belg për të emigruar në Angli

Piloti belg, Jean Francois Hennaux, 34-vjeçar, solli familjen shqiptare në qershor në aeroportin e vogël “Headcorn” në jug të Anglisë, por më pas u ndaluan nga autoritetet britanike.

34-vjeçari është arrestuar dhe është nxjerrë para gjykatës me akuzën se ka ndihmuar për hyrjen ilegale të emigrantëve shqiptarë në Britani.

Me këtë rast Jean Francois Hennaux është dënuar me tre vjet burgim.

Piloti ka pranuar se kishte bërë tri herë përpjekje për të futur ilegalisht shqiptarët.

Katër shqiptarët, dy të rritur dhe dy fëmijë, kanë fituar statusin e emigrantit deri në një vendim tjetër të autoriteteve britanike.