OEK: Korrupsioni i ka goditur rëndë bizneset kosovare

“Sfida më e madhe në pesë vjetët e ardhshme, duke filluar që nga tash është mungesa e fuqisë punëtore të kualifikuar, jo vetëm në aspektin profesional, mirëpo edhe në aspektin që duhet të gjendet modaliteti i ndaljes së akademizmit të të rinjve”, kështu ka thënë kryetari i Odës Ekonomike të Kosovës, Safet Gërxhaliu, në konferencën lidhur me dialogun dhe ambientin e të bërit biznes-politikat fiskale.

Ai theksoi se një ndër barrierat më të mëdha për bizneset mbetet korrupsioni, ekonomia informale dhe furnizimi me energji elektrike, përcjell albinfo.ch.

Por të kundërtat i ka thënë ministri i Financave, Bedri Hamza. Ai theksoi se dikasteri që ai drejton ka krijuar mekanizma për zvogëlimin e informalitetit. Hamza pati një porosi për bizneset, duke thënë se ata duhet t’i shfrytëzojnë të drejtat e tyre ligjore dhe të mos japin ryshfet ose para askujt