I dërgohet presidentit Ligji për Ratifikimin e Marrëveshjes Maqedoni- Greqi

Pas miratimit të Ligjit për ratifikimin e marrëveshjes së kontestit të emrit, ky ligj është dërguar te Presidenti i Maqedonisë për nënshkrim.

Kryetari i Kuvendit të Maqedonisë, Talat Xhaferi, ka dërguar në kabinetin e presidentit Gjorge Ivanov ligjin për ratifikimin e marrëveshjes për emrin me Greqinë, shkruan Albinfo.ch.

Dërgimi i ligjit u bë menjëherë pas miratimit të kësaj marrëveshjeje.

Presidenti Gjorge Ivanov ka afat shtatë ditë për ta nënshkruar marrëveshjen e ratifikimit.

Albinfo.ch raportoi më herët në lidhje me vendimin e presidentit Ivanov, se ai nuk do ta nënshkruaj marrëveshjen.

Në rast se presidenti Ivanov e përdorë të drejtën e vetos, marrëveshja për emrin shkon prap në procedurë kuvendore, por atëherë do të duhet të votohet me shumicë absolute, 61 deputetë duhet të votojnë për.