Rama akuzon opozitën për gënjeshtra

Foto Ilustrim

Kryeministri i Shqipërisë, Edi Rama, e ka nisur ditën duke ndarë me ndjekësit e tij në rrjetin social “Facebook” atë që ai e quan ‘kartolinë përgëzimi për të gjithë shqiptarët’, postuar nga Këshilli i Evropës.

Ai nuk i ka kursyer akuzat kundër opozitës që e bën atë përgjegjëse për dështimin e radhës, e që vendi mbeti serish jashtë dyerve të BE-së. “Esadistët e rinj të Shqipërisë hidhnin gurët e akuzave të tyre vulgare kundër qeverisë si fajtore për një dështim imagjinar në Evropë!”, shkruan ndër të tjera Rama, përcjell albinfo.ch.

Kryeministri Edi Rama vlerëson se Shqipëria ka arritur të marrë datën për fillimin e bisedimeve për anëtarësim në Bashkimin Evropiane. Ai thotë se rezultatet e reformave bën që skeptikët të njohin meritën e Shqipërisë e të Maqedonisë.

Por kreu i PD-së, Lulzim Basha, thotë se hapja e negociatave për Shqipërinë u shty edhe për një vit. Në një postim në Facebook, kreu i demokratëve shprehet se krimi dhe korrupsioni po mbajnë peng të ardhmen.