19 të vdekur nga i nxehti në Kanada

Të paktën 19 persona humbën jetën në Kebek për shkak të motit të nxehtë që ka përfshirë pjesën lindore të Kanadasë që prej fundit të javës së kaluar, theksuan autoritetet.

“Numri i të vdekurve nga vala e të nxehtit në Montreal arriti dje në 12″, theksoi drejtoresha rajonale e shëndetit publik të Montrealit, Mylene Druin.

“Pesë të vdekur janë regjistruar gjithashtu në rajonin e Kantoneve lindore, në lindje të metropolit të Kebekut”, sipas gazetës “La Tribune” që citon autoritetet sanitare lokale, përcjell albinfo.ch.

“Shpreh ngushëllime për të njerëzit e Kebekut që kanë humbur të shtrenjtët e tyre në këtë valë të nxehti. Këto temperatura rekord do të vazhdojnë në pjesën qendrore dhe lindore të Kanadasë”, theksoi kryeministri Justin Trudeau në një postim në “Twitter”.

“Temperaturat në Montreal kanë arritur në 34 gradë”, sipas të dhënave të shërbimit të meteorologjik.