Gashi: Diaspora të ketë në Kuvend 5-6 vende të rezervuara

Ministri i Diasporës së Kosovës, Dardan Gashi, ka risjellë edhe një herë debatin e nisur kohë më parë për përfaqësimin e diasporës në Kuvendin e Kosovës.

Ai ka thënë se të gjitha kërkesat e diasporës janë duke u marrë parasysh nga institucionet e Kosovës. Në një intervistë për gazetën “Epoka e re”, ai ka thënë se diaspora duhet të bëhet pjesë e sistemit politik të Kosovës, përcjell albinfo.ch.

“Një prej këtyre mendimeve është që diaspora t’i ketë në Kuvendin e Kosovës 5 deri në 6 vende të rezervuara”, ka thënë Gashi.

Ai ka treguar se është duke diskutuar me partitë politike që kërkesat e diasporës, si vendet e rezervuara në Kuvendin e Kosovës, themelimi i një televizioni për diasporën, kërkesa për Kartonin e gjelbër, mësimi plotësues në gjuhën shqipe dhe kërkesa të tjera të bëhen realitet.