5 mijë policë në Paris për të mbrojtur turistët

Nga 11 qershori, oficerët kanë arrestuar 24 persona për mashtrime në rrugë si peticione të rreme dhe 333 njerëz për shitje të paligjshme në rrugë

Foto: Wikipedia

Ashtu si në të gjitha qytetet, por në veçanti në Paris do të vihen në dispozicion rreth 5.000 oficerë policie për të mbrojtur turistët, si pasojë e sulmeve terroriste që preku këtë vend  gjatë viteve të fundit.

Madje, forcat policore të Parisit njoftuan se do të vendosë në dispozicion çdo ditë 5.000 policë për të mbrojtur turistët në shtatë zonat më të vizituara rreth qytetit.

Vizitorët e muzeut të Louvre, kullës Eiffel, Champs-Elysees, lagjes Latine, Pallatit të Operës, Montmartre dhe qendra e transportit Châtelet do të shohë një rritje për sa i përket prezencës së policisë këtë verë. Zyrtarët e policisë dhe studentët francezë të gjuhëve të huaja do të patrullojnë rrugët, duke u ofruar ndihmë turistëve, raporton “SCAN”.

“Nëntëdhjetë përqind e vjedhësve që turistët vuajnë janë grabitësit e çantave ose tregtarët e rrugëve, kambistët ose njerëz me peticione të rreme”, tha një zyrtar i lartë i sigurisë në Paris.

Që kur forca e mbrojtjes turistike filloi më 11 qershor, oficerët kanë arrestuar 24 persona për mashtrime në rrugë si peticione të rreme dhe 333 njerëz për shitje të paligjshme në rrugë, përcjell albinfo.ch.

Vjedhësit, kryesisht janë më të përhapur në metro. Udhëtarët që planifikojnë një udhëtim veror duhet të lexojnë udhërrëfyesin e dedikuar të Ambasadës së SHBA-së për të shmangur mashtrimet në Paris, si dhe për të mësuar teknikat e zakonshme që mund të përdoren.