Real Madrid arrin një marrëveshje me Courtois

Ekipi i Real Madrid ka arritur një marrëveshje me portierin e Chelseat, Tibo Courtois

Real Madridi ka arritur marrëveshje me portierin e Chelseas, Tibo Courtois.

E përditshmja angleze  “Daily Mail”, shkruan se drejtuesit e madrilenëve kanë arritur  pajtim me gardianin belg, i cili ka pranuar kalimin e tij te fituesi i Ligës së Kampionëve.

Tani ka mbetur vetëm që klubi i Chelseas dhe Realit të gjejnë gjuhën e përbashkët për ta mbyllur këtë marrëveshje, e cila menjëherë do ta dërgonte portierin belg në “Bernabeu”.

Mediat raportojnë se shifra, e cila do të paguhet nga Reali në arkat e londinezëve është rreth 40 milionë euro, pasi portieri ka vetëm edhe një vit kontratë me “blutë”.