Hungaria braktis paktin e OKB-së për migracionin

Paktin pë emigracionin i OKB-së, e ka braktisur Hungaria.

Keystone/ Ilustrim

Ministri i Jashtëm i Hungarisë, Peter Szijjarto ka deklaruar se vendi i tij ka braktisur paktin për migracionin të OKB-së.

Sipas mediave shqiptare, ministri është deklaruar para gazetarëv në lidhje me këtë rast.

‘’Pozicioni ynë është i papërshtatshëm me atë të OKB-së. OKB  mendon se migracioni është një fenomen për t’u nxitur në shumë mënyra dhe është një e drejtë themelore, ndërsa Hungaria mendon se është një kërcënim për botën dhe për Europën në veçanti”, tha ai.

Sipas Ministrit të Jashtëm hungarez, Hungaria do të tërhiqet nga negociatat mbi marrëveshjen për emigracionin dhe do të votojë kundër, nëse OKB vendos në votim.

“Është një gjë e panatyrshme që të ndihmohet ndryshimi i popullsisë mes kontinentesh dhe OKB-ja duhet të favorizojnë ndërprerjen e migracionit dhe të mos përqëndrohet vetëm mbi të drejtat e migrantëve”, ka thënë Szijjarto.