Gjermania i siguron mbështetje Shqipërisë

Ministri i Jashtëm i Shqipërisë, Ditmir Bushati është pritur nga homologu i tij gjerman Maas ne Berlin me të cilin kanë diskutuar për përpjekjet e Shqipërisë për të filluar negociatat me BE-në vitin e ardhshëm.

Ministri gjerman i siguroi homologut të tij shqiptar mbështetje të mëtejshme të Gjermanisë në rrugën drejt BE-së.

“Fati i Shqipërisë është shumë i rëndësishëm për ne prandaj jemi shumë të angazhuar për thellimin e bashkëpunimit”, ka thënë Maas, përcjell albinfo.ch.

Ai kujtoi se kompromisi i arritur në fund të qershorit mes 28 vendeve të BE-së për fillimin e mundshëm të negociatave me Shqipërinë në gjysmën e dytë të vitit 2019 nuk ishte aspak i lehtë.

Ndërsa Bushati ka falënderuar qeverinë gjermane për qartësinë strategjike me të cilën e sheh procesin e zgjerimit të Bashkimit Evropian.