BMW kthen 324 mijë vetura të saj në Evropë

Në Korenë e Jugut, BMW tashmë është dashur t`i kthejë prapa më shumë se 100.000 vetura për të njëjtën arsye

Kompania BMW bën apel për kthim të 324.000 automjeteve për shkak të rrezikut të mundshëm të zjarrit. Në raste të veçanta, nga rryma e recirkulacionit të gazit të shkarkuar glykoli mund të pikojë dhe të ndizet në gazrat e nxehtë të shkarkimit së bashku me mbetjet e naftës, kanë thënë nga kompania në Munih gjatë ditës së martë.

Pronarët e makinave të prekura do të kontaktohen nga java e ardhshme, pjesët e gabuara më pas do të zëvendësohen në garazh. Fillimisht, gazeta gjermane “Frankfurter Allgemeine Zeitung” kishte raportuar për këtë rast, përcjell Albinfo.ch.

Ftohen për kthim veturat e llojit BMW të serisë 3, 4, 5, 6, 7, X3, X4, X5 dhe X6 me motorë me katër cilindra me naftë, që u prodhuan midis prillit të vitit 2015 dhe shtatorit 2016, dhe me motorë me naftë 6 cilindra të prodhuara në mes të korrikut 2012 dhe qershorit 2015.

Në Korenë e Jugut, BMW tashmë është dashur t`i kthejë prapa më shumë se 100.000 vetura për të njëjtën arsye.

Tek to ishte shkaktuar ndonjë zjarr individual në motorë, ndërsa mediat e Koresë së Jugut kishin raportuar për rreth 30 incidente.