Lumezi kërkon verifikim të mosveprimeve para vrasjes në Gjakovë

Kryeprokurori i Shtetit ka kërkuar verifikim të çdo mosveprimi para vrasjes së dyfishtë në Gjakovë.

Kryeprokurori i Shtetit, Aleksandër Lumezi, ka kërkuar nga Prokuroria Themelore në Gjakovë që urgjentisht të fillojë grumbullimin e informatave për të verifikuar çdo mosveprim, i cili mund të cilësohet si element i ndonjë vepre penale.

Lumezi, ka thënë se nëse konstatohen veprimet e tilla të nxjerrët menjëherë aktvendimi për fillimin e hetimeve kundër çdo personi të involvuar në kryerjen e veprimeve apo mosveprimeve, për të cilat ka qenë i obliguar t’i ndërmarrë,  të cilat ndërlidhen me kërcënimet ndaj gruas dhe vajzës së vrarë para disa ditësh në fshatin Bretkoc të Komunës të Gjakovës, shkruan Albinfo.ch. 

Albinfo.ch ka raportuar në lidhje me vrasjen ku burri vrau gruan dhe vajzën në Bretkoc të Gjakovës.