1 në 4 shtëpi është bosh në Bullgari

Një arsye është se bullgarët që shkojnë jashtë vendit nuk i shesin ose japin me qira shtëpitë e tyre

Në Bullgari ka më shumë se 1.2 milionë banesa të pabanuara, sipas Ministrisë së Zhvillimit Rajonal.

Në qytete, rreth një në katër shtëpi janë bosh, ndërsa në fshatra, shifra është afër 43 për qind, kryesisht për shkak të shpopullimit.

Përqindja e banesave të zbrazëta në rrethin e Sofjes është shumë e lartë, në 48.2 për qind, ndërsa në Pernik shifra është 44.9 për qind dhe në qarkun Burgas, 43.7 për qind, shkruan ‘Scan’.

Duke folur në një intervistë televizive, zëvendësministri i Zhvillimit Rajonal, Malina Kroumeva,, tha se kishte disa arsye pse shtëpitë ishin bosh, përcjell albinfo.ch.

Njëra ishte se ka pasur mosmarrëveshje rreth pronës së trashëguar, ndërsa këto mosmarrëveshje po vazhdonin, banesat mbeten bosh.

Një arsye tjetër ishte se bullgarët që shkojnë jashtë vendit nuk i shesin ose japin me qira shtëpitë e tyre.