Edhe sot do të protestohet për listat e fryra të veteranëve

Organizatorët e iniciativës #Protestoj kanë ftuar sërish qytetarët që sot të dalin në protestë, me kërkesën për shkarkim të kryeprokurorit Aleksandër Lumezit, vetting gjyqësorit, si dhe me kërkesën që listat e veteranëve të Ushtrisë Çlirimtare të Kosovës të pastrohen dhe dinjiteti i veteranëve të vërtetë të kthehet.

“Shkarkim Kryeprokurorit – Veting Gjyqësorit”, është ngjarja që është paralajmëruar të mbahet sot, duke filluar nga ora 18:00 deri në orën 20:00 në sheshin “Zahir Pajaziti” në Prishtinë. Edhe organizatat e shoqërisë civile kanë njoftuar se do ta përkrahin protestën e sotme, përcjell albinfo.ch.

“Ndërhyrjet e kryeprokurorit Lumezi për të shmangur përballjen e figurave të larta të politikës me procesin e drejtësisë janë alarmante për drejtësinë në Kosovë”, thuhet në reagim.