Fuga i quan budallallëk akuzat e opozitës

Akuzave të opozitës në drejtim të ekzekutivit dhe kryeministrit së Shqipërisë, Edi Rama për abuzim me tenderë i është përgjigjur këshilltari për media i kryeministrit, Endri Fuga.

Ai në një postim shkurt në Twitter ka thënë se është e kotë t’u përgjigjesh për çdo budallallëk opozitës, përcjell albinfo.ch.

“Dje njëri, sot tjetri. Përgojojnë njerëz e hedhin në eter shifra shumëmilionëshe, duke e bërë të kotë që t’u përgjigjesh për çdo budallallek! KM dhe qeveria janë të vendosur të çojnë përpara reformat dhe të fokusojnë TË GJITHË VEMENDJEN TEK NJERËZIT e tek puna në shërbim të tyre”, ka shkruar ai.