Ruçi i thotë Bashës se Kuvendi nuk është fole kriminelësh

Kryetar i Kuvendit të Shqipërisë, Gramoz Ruçi, u është kundërpërgjigjur akuzave të kreut të PD-së, Lulzim Basha. Ai ka deklaruar se Kuvendi nuk është dhe nuk mund të konsiderohet fole krimi.

Deklaratat Ruçi i bëri gjatë një bashkëbisedimi me gazetarët, ku analizoi punën e Kuvendit gjatë sesionit të shkuar, përcjell albinfo.ch.

“Kuvendi në çdo vend është sovrani që e ka prurë aty sipas Kushtetutës dhe ligjeve. Kush ka vlerësime të veçantë për individë të veçantë, ka organe përkatëse dhe legjislacion që bën vlerësimin apo ndëshkimin e tyre. Djegien e mandateve nuk e kam dëgjuar, kam dëgjuar tezën e marrëdhënie të kushtëzuara apo bojkot. Para këtij sesioni ka pasur zëra të veçantë për djegien e mandateve”, ka deklaruar kryekuvendari.