Politika e emigracionit: Merkel kundërshton ministrin e Brendshëm

Politikat e kancelares gjermane Angela Merkel dhe Ministrit të Brendshëm gjerman për migracionin po kundërshtohen ende.

Kancelarja gjermane Angela Merkel, është përfshirë në debatin lidhur me politikat e emigracionit, pas komenteve të ministrit të Brendshëm, Horst Seehofer, lidhur me këto të fundit.

“Politikat që i aplikon qeveria e udhëhequr nga Merkel, janë nëna e të gjitha porblemve”.

Sipas Der Spiegel, e para e ekzekutivit e ka kundërshtuar këtë deklaratë, transmeton Klan Kosova, përcjell Albinfo.ch.

Ajo në një intervistë në kanalin televiziv RTL, ka thënë se ka mendim ndryshe rreth kësaj çështjeje.

“Normalisht që ka sfida në aplikimin e tyre, por siç e dimë ka pasur edhe suksese në këtë drejtim”.

Merkel përsëri komentoi mbi incidentet në Chemnitz ku po mbahen protesta, transmeton Klan ksoova.

“Në këtë qytet, janë duke u zhvilluar demonstrata. Me shfaqje që nuk janë në rregull, urrejtëse dhe të drejtuara kundër njerëzve të tjerë”, tha Merkel.

“Por ka pasur edhe demonstrime që kanë treguar se si njerëzit ngrihen kundër, ksenofobisë dhe racizmit”.

---