Biletat e ndeshjes Kosovë-Ishujt Faroe përfundojnë në tregun e zi

Një person ka mundur të blejë shumë bileta, derisa nuk është kontrolluar fare se nga kush blihen biletat

Kosova të hënën do të luajë ndaj Ishujve Faroe në ndeshjen e parë zyrtare në shtëpi.

Biletat për një kohë të shkurtë janë shitur, megjithatë, sipas mediave vendore, biletat kanë përfunduar në tregun e zi.

Biletat janë edhe në faqen për shitblerje ‘merrjep’, ku biletat e 2, 3, 5 dhe 10 euro shiten me çmime shumë më të larta, shkruan albinfo.ch.

Kështu kishte ndodhur edhe në disa ndeshje të mëhershme, derisa interesimi për ndeshjen ndaj Ishujve Faroe është jashtëzakonisht i madh.

Kjo është sfida e parë e Kosovës në shtëpi, derisa nesër do të jetë mysafire e Azerbajxhanit në kuadër të Ligës së Kombeve.

---