Sophia Hadjipanteli, modelja me vetulla unike

Sophia Hadjipanteli është modele amerikane 22-vjeçare. Ajo njihet megjithatë kryesisht për vetullat e saj të pazakonta, e që duket sikurse e ka vetëm një.

“Unë përfundimisht gjithmonë kam qenë më ndryshe në aspektin e asaj se si vishesha ose si doja të dukesha”, tha modelja gjatë një foto sesioni me prodhuesin holandez të pantallonave, Hardeman.

Hadjipanteli për më tepër inicioi lëvizjen e një vetulle, ndonëse ishte përqeshur shumë në rrjetet sociale. Por postimet e saj kanë tërhequr mijëra komente negative, me ç’rast u quajt e çuditshme, e prapambetur, e të tjera, përcjell albinfo.ch.

“Çdo mëngjes zgjohem me komente të tmerrshme. Por në fakt këto më motivojnë më shumë, sepse unë fundja jam vetvetja dhe kjo më mundëson të kem kontroll ndaj vetës”, tha modelja.

Por s’është gjithçka aq keq, ajo po ashtu ka marrë edhe komente pozitive.  Hadjipanteli shpreson të drejtojë karrierën e saj të modelimit tutje ndaj drejtimit që njihet si pozitiv ndaj trupit dhe të merret me aktivizim në këtë fushë.