Të huajt nuk kryejnë më shumë vrasje se zviceranët

Sipas studimit më të fundit “të huajt nuk kryejnë më tepër vrasje brenda familjes se sa shtetasit zviceranë. Përjashtim bëjnë të huajt pa qëndrim të rregullt në Zvicër”

Vrasjet brenda familjes në Zvicër kryhen në mënyrë tipike, 3 deri 4 herë në vit nga një vrasës që të shumtën e rasteve është i gjinisë mashkullore, i cili vret të shumtën një viktimë femër dhe pas kësaj vret edhe veten. Te kjo statistikë ka arritur një ekip studiuesish nga Instituti për mjekësi sociale dhe preventive i Universitetit të Bernës, që është publikuar në revistën profesionale “Plos One”.

Studimi mbështetet në 158 raste vdekjes të shkaktuara nga delikte të vrasjes brenda familjeve në mes të viteve 1991 dhe 2009 dhe për herë të parë i merr në shqyrtim faktorët e rrezikshmërisë, shkruan gazeta “Aargauer Zeitung”.

“Ka qenë befasuese mosgjetja e lidhjes në mes te profesionit dhe shtresës sociale sa i përket vrasjeve”, ka thënë Matthias Egger, përgjegjësi i studimit për agjencinë sda. Nuk luan rol nëse behet fjalë për punëtorë ose për profesorë.

Dhe, një përfundim tjetër interesant që e ka sjellë studimi është se “të huajt nuk kryejnë më tepër vrasje se sa shtetasit zviceranë. Përjashtim nga ky rregull bëjnë ata të huaj që nuk kanë qëndrim të rregullt në Zvicër.

Faktori më i madh i rrezikut sa u përket vrasjeve, shkruan “Aargauer Zeitung”, janë rrethanat e jetës me stres, si mungesa e qëndrimit të rregulluar, kushtet e këqija të banimit de problemet në mesin e çifteve,

Meshkujt e shkurorëzuar kanë qenë më shpesh vrasës se sa të martuarit, ndërsa personat jo religjiozë më shesh se besimtarët katolikë. Prania e fëmijëve në shtëpi nuk ka ndonjë ndikim në vrasjet  ashtu sikurse as ambienti urban ose rural.

Në 80 % të vrasjeve janë përdorur armë zjarri. Për këtë arsye udhëheqësit e studimit shprehen qartë për kufizimin e posedimit të armëve. “Jam i bindur se një ose dy tragjedi familjare në vit do të evitoheshin në këtë mënyrë”, ka thënë Egger.

Udhëheqësit e studimit kanë konstatuar se numri i vrasjeve në familje është në Zvicër i lartë në krahasim me mesataren evropiane, ndërkohë që mesatarja e vrasjeve në përgjithësi është më e ulët.

60% të vrasjeve në Zvicër janë kryer në rrethin familjar, ndërsa 28% të familjeve zvicerane posedojnë arë zjarri.

Ky studim është i pari në botë që merret me këtë lloj specifik të vrasjes siç është vrasja brenda familjes.

http://www.aargauerzeitung.ch/schweiz/studie-stress-fuehrt-zu-toetungsdelikten-in-familien-in-der-schweiz-125960802