Delawie shkruan pas ngritjes së aktakuzës në rastin “Veteranët”

Ambasadori i Shteteve të Bashkuara të Amerikës në Kosovë, Greg Delawie, ka shkruar në lidhje me ngritjen e aktakuzës ndaj 12 persona për rastin “Veteranët”.

Ai përmes rrjetit social Twitter, ka shkrur se ndihet krenar për Kosovën dhe luftimin e korrupsionit.

“Është ngritur aktakuzë për mashtrim me pensionet e veteranëve, krenar për Kosovën për marrjen e këtij hapi të rëndësishëm për ta luftuar korrupsionin”, ka shkruar Delawie në Tëitter.

Gjatë ditë së sotme Prokuroria Speciale ka ngritur aktakuzë ndaj 12 personave për mashtrimin me listat  veteranëve.

Në aktakuzën e ngritur nga Prokuroria Speciale e Kosovës, është propozuar që “gjykata të lëshojë masën për ndalimin e pagesës së pensioneve të fituara në mënyrë të kundërligjshme si veteranë luftëtarë të Ushtrisë Çlirimtare të Kosovës, deri në përfundimin e procedurës penale”.