Nesër protestohet kundër Thaçit

Foto ilustrim

Lëvizja Vetëvendosje nesër ka paralajmëruar protestë masive kundër Presidentit Hashim Thaçi.

Nën moton “Një popull s’i nënshtrohet një njeriu”, LVV do të protestoj për mospajtimin me sic e kanë quajtur ata pazaret që po bëhen me tokën e Kosovës.

“Presidenti Thaçi pa autorizim, pa legjitimitet e kokë në vete po zhvillon negociata me Vuçiqin për territorin e sovranitetin e vendit. Kuvendi është anashkaluar nga presidenti e sabotuar nga mazhoranca duke mos mundësuar që aty të zhvillohet debat e të ndalohet përpjekjet për të bërë pazare me Republikën”, thuhet në faqen e cila është krijuar për të postuar në lidhje me protestën.

Gjatë kësaj kohe Lëvizja Vetëvendosje ka mbajtur takime mobilizuese për të ftuar qytetarët që të protestojnë.

Policia e Kosovës gjatë ditës së sotme ka thënë se kanë rënë dakord me LVV që protesta të jetë paqësore.