Skip to content

Hashim Thaçi dënohet me 17 muaj të tjerë burgim për pengim të drejtësisë

Keystone (AP Photo/Jerry Lampen via AP Photo, Pool)

Thaçit i shtohen edhe 1 vjet e 5 muaj burgim

Vendimi është shpallur të martën, më 17 nëntor 2026, pas shqyrtimit të akuzave për ndërhyrje në proceset gjyqësore, përcjell albinfo.ch.

Sipas pretendimeve të Prokurorisë së Specializuar, Thaçi kishte zbuluar informacione konfidenciale dhe kishte dhënë udhëzime me qëllim ndikimin në dëshmitë e personave të përfshirë në procesin gjyqësor për krime lufte.

Ndërkohë, më 16 shtator 2026, Thaçi ishte dënuar me 25 vjet burgim në procesin gjyqësor ndaj ish-krerëve të Ushtrisë Çlirimtare të Kosovës, lidhur me akuzat për krime lufte gjatë periudhës 1998–1999.

Me dënimin e fundit prej 17 muajsh, shuma aritmetike e dy dënimeve arrin në 26 vjet e 5 muaj burgim. Megjithatë, kjo nuk nënkupton domosdoshmërisht se dënimet do të ekzekutohen njëri pas tjetrit, pasi mënyra e vuajtjes së tyre përcaktohet sipas vendimeve përkatëse gjyqësore./Albinfo.ch