Subvencione për fëmijët e porsalindur në Shqipëri

Në Shqipëri, në tremujorin e parë të këtij viti u regjistrua një rekord historik negativ i natalitetit. Kjo ishte arsyeja që Qeveria në Tiranë do të miratojë masa të reja brenda strategjisë për rritjen e numrit të lindjeve. Kështu, nga 1 janari 2019 Tiarana do të japë një pagesë të njëhershme për çdo të porsalindur.

Për çdo fëmijë të parë të lindur, familja do të marrë 40 mijë lek të reja  (3,150 euro), për të dytin  80 mijë lek të reja (6,300 euro), dhe për të tretin, 120 mijë lek të reja (9,450 euro). Nëse lindin binjakë, shuma do të dyfishohet, përcjell albinfo.ch.

Kjo do të zbatohet për të gjitha foshnjat e porsalindura në Shqipëri dhe nënat e tyre do të marrin para, siç njoftoi kryeministri i Shqipërisë, Edi Rama.

Sipas tij, kjo është vetëm një masë në drejtim të rritjes së numrit të lindjeve, e cila do të zbatohet për të gjithë të sapolindurit.

Enti Shtetëror i Statistikave të Shqipërisë (INSTAT) konfirmoi se në tre muajt e parë të vitit janë regjistruar 5,669 të posalindur, që është 18% më pak krahasuar me të njëjtën periudhë të vitit të kaluar. Në të njëjtën periudhë, numri i vdekjeve ishte 5,954, përcjell albinfo.ch.

Numri i të sapolindurve në Shqipëri është në rënie vit pas viti, si pasojë e migrimit masiv dhe përcaktimit të të rinjve për një familje me më pak fëmijë.

Statistikat konfirmojnë se në vitin 2017 numri më i vogël i të sapolindurve nga viti 1930 u regjistrua në vend, kur shteti shqiptar filloi të kryejë regjistrimin e popullsisë.

Për shkak të migrimit dhe uljes së numrit të lindjeve, numri i nxënësve të shkollave fillore në vitin e ri shkollor është më i ulët për 46.7 për qind krahasuar me vitin akademik 1990/91.