Ambasadorja e Zvicrës, Walt, ka vizituar dy nga atraksionet më të rëndësishme turistike dhe kulturore të Shqipërisë, Gjirokastrën dhe Parkun Arkeologjik të Butrintit, njofton albinfo.ch.
Vizita përfshiu dy site të Trashëgimisë Botërore të UNESCO-s, të cilat dëshmojnë historinë dhe pasurinë e trashëgimisë kulturore shqiptare.
Gjirokastra, e njohur si “Qyteti i Gurtë”, dhe Parku Arkeologjik i Butrintit janë ndër destinacionet më të veçanta të Shqipërisë, që tërheqin vizitorë nga vende të ndryshme të botës.
Përmes një publikimi, ambasadorja ka ndarë përshtypjet nga vizita, duke i cilësuar këto vende si destinacione që nuk duhen humbur gjatë një udhëtimi në Shqipëri./Albinfo.ch
