Opozita padit Ramën për rastin e Xhisiela Malokut

Shefat e  grupeve parlamentare të deputetëve të Partisë Demokratike dhe Lëvizjes Socialiste kanë dorëzuar në kallëzim penal në Prokurori kundër kryeministrit Edi Rama për kërcënim ndaj oficerit të policisë Emiliano Nuhu.

Edmond Spaho dhe Petrit Vasili njoftuan se kallëzimi i Kryeministrit ka lidhje me çështjen e Xhisiela Malokut.

Spaho i PD-së ka thënë se me deklaratën e dhënë para pak ditësh mbi kryeministrin Rama rëndojnë 3 vepra penale, për të cilat tha se dënohen nga 2 deri në 4 vjet burgim, përcjell albinfo.ch.

“Rama kërcënoi oficerin Nuhu, me këtë deklarim publik. Ka ndërhyrë në hetim, duke e paracaktuar hetimin. Mbi Ramën rëndojnë 3 vepra penale, kanosje për shkak të detyrës, veprime për fshehjen e së vërtetës dhe kanosjes për të mos kallëzuar”, ka thënë ai.