Pacolli: Sot konfirmohet ngritja e statusit në Organizatën e Frankofonisë

Ministri i Jashtëm i Kosovës, Behgjet Pacolli, ka thënë se fillimi i samitit të Organizatës së Frankofonisë do t’i shërbejë Kosovës për ngritjen e statusit si vend anëtar.

Ai përmes një postimi në Facebook ka thënë anëtarësimi nëpër organizata ndërkombëtare, me theks në Interpol, është mision i madh i vendit, përcjell albinfo.ch.

“Kosova do të konfirmojë sot ngritjen e statusit si vend anëtar i asociuar. Të jesh anëtar i kësaj organizate të rëndësishme politike, do të thotë shumë për Kosovën. Anëtarësimi i vendit tonë në organizata ndërkombëtare do të jetë i pandalshëm. Interpoli, misioni ynë i madh. Siguria dhe paqja ndërkombëtare është synimi i Republikës së Kosovës”, ka shkruar Pacolli.