Meta kthen sërish ligjin për Teatrin Kombëtar

Presidenti i Shqipërisë, Ilir Meta, nuk e ka dekretuar sërish ligjin për Teatrin Kombëtar, duke e kthyer për herë të dytë në Kuvend.

Presidenti i Shqipërisë, Ilir Meta, nuk e ka dekretuar sërish ligjin për Teatrin Kombëtar, duke e kthyer për herë të dytë në Kuvend.

“Presidenti i Republikës ka arritur në konkluzionin se ky ligj nuk ka arritur të zgjidhë në thelb asnjë prej 9 (nëntë) çështjeve dhe problematikave kushtetuese dhe ligjore të evidentuara në dekretin e Presidentit të Republikës nr. 10849, datë 27.07.2018, edhe pse ky dekret rezulton të jetë miratuar në tërësi nga Kuvendi”, thuhet në arsyetim.

Presidenti ka thënë se Kuvendi është përpjekur që të plotësojë vetëm një prej konstatimeve kushtetuese të Presidentit. Në arsyetim theksohet se “ligji i ri paraqet sërish probleme kushtetuese, pasi edhe pse në pamje të parë ai duket sikur ka zgjidhur problematikën e konstatuar, në thelb, dispozitat e tij përmbajnë kritere diskriminuese që nuk garantojnë konkurrencën e lirë”.

 

---