40 libra për Skënderbeun ekspozohen në Bibliotekën Kombëtare

Është hapur ekspozita “Jeta dhe kohët e Gjergj Kastriotit, Skënderbeu, Heroit Kombëtar Shqiptar”, e koleksionit të Librave Antikuar të koleksionistes së njohur britanike, Patricia Nugee.

Ekspozita është hapur në Bibliotekën Kombëtare të Kosovës në Prishtinë.  Koleksionistja Nugiee tha se ka filluar koleksionimin e librave për Skënderbeun 30 vjet më parë dhe u shpreh e kënaqur me ekspozitën në Prishtinë. Ajo tha se me këtë ekspozitë nuk do  të japë mësim historie, përcjell albinfo.ch.

“Për herë të parë dëgjova për Skënderbeun përmes një klienti kur punoja në një librari antike në Londër”, theksoi ajo. E drejtori i Bibliotekës Kombëtare, Fazli Gajraku, vlerësoi se ekspozita e sotme është ndër më të rrallat që mund të gjenden ndonjëherë.