Migrimi po shkon drejt perëndimit

(AP Photo/Bernat Armangue)

Siç tregojnë statistikat më të fundit, rrjedha migruese është kufizuar në mënyrë drastike në rrugën qendrore drejt Italisë, e cila aktualisht nuk është më pikë kryesore e arritjes, shkruajnë mediat belge, përcjell Albinfo.ch.

Në vitin 2017 shumica e emigrantëve (114,542 ose 67 për qind) kanë marr rrugën qendrore drejt Italisë, me përplot rreziqe të mëdha (2831 raste të vdekjes sipas një vlerësimi të IOM-it, 2.5 për qind). 28,848 persona (17 për qind) shkuan nga itinerari lindor në Greqi dhe në Ballkan, 27,253 persona (16 për qind) nga itinerari perëndimor, në Spanjë.

Në vitin 2018, situata ka ndryshuar tërësisht, itinerari perëndimor drejt Spanjës përqendron shumicën e emigrantëve (42,470 persona, 51 për qind e migrimeve). Itinerari lindor nga Greqia dhe Ballkani (24,537 njerëz, 28 për qind) është rruga e dytë, informon Albinfo.ch. Rruga kryesore për në Itali, aktualisht mbetet një shifër e vogël (18,322 persona, 21 për qind), kështu që është kthyer në një ritëm të ngjashëm me ate përpara krizës 2015-2016. Megjithatë, kjo rrugë mbetet shumë e rrezikshme dhe me një normë vdekshmërie prej gati 7 për qind (1260 vdekje deri më 5 tetor, sipas një vlerësimi të IOM).

Risia më e re është rrjedha e madhe e njerëzve që vijnë nga Tunizia, e jo më nga Libia, informon Albinfo.ch. Rreth 4819 persona – shumica tunizianë (91 për qind) që ikin nga vendi i tyre, orientohen nga dy ishujt kryesorë italianë në Mesdhe: Sardenjë dhe Sicili.

Një rrugë që mbetet gjithashtu më vdekjeprurëse me një vlerësim prej 1260 vdekjesh (burim IOM).