Arrestohet ngasësi, i caktohet paraburgimi

Policia e Kosovës ka dhënë detaje rreth aksidentit që ndodhi pasditen e së hënës në “Rrugën B” në Prishtinë, ku ndërroi jetë një këmbësore e moshës 30-vjeçare.

Siç bën të ditur policia, lidhur me rastin është arrestuar ngasësi i automjetit BMW me inicialet L. M,  20-vjeçar, të cilit dhe me urdhër të Prokurorit të shtetit i është shqiptuar masa e ndalimit prej 48 orësh, përcjell albinfo.ch.

Si pasojë e këtij aksidenti lëndime të rënda trupore ka pësuar edhe këmbësorja tjetër F.R,  femër 23-vjeçare, e cila po trajtohet në QKUK.

Ndërkaq, trupi i viktimës L. A.  është dërguar në Institutin e Mjekësisë Ligjore për obduksion.

Aksidenti kishte ndodhur të hënën pasdite, ku dy gra ishin duke kaluar në vijën e bardhë, sipas mediave vendore, derisa më pas njëra nga të aksidentuarat ndërroi jetë.