Hoxha kërkon të përshpejtohet vendimmarrja për liberalizimin

Ministrja e Integrimit Evropian, Dhurata Hoxha, ka takuar në Strasburg, Igor Sholtes, Raportues për Kosovën në Parlamentin Evropian, dhe Eduard Kukan, eurodeputet nga Sllovakia, Kryesues i delegacionit të Parlamentit Evropian për Serbi si dhe përfaqësues i Grupit të partive të djathta, PPE, nga të cilët ka kërkuar përkrahje për liberalizimin e vizave.

“Kosova dhe qytetarët e saj, padrejtësisht është e privuar nga lëvizja e lirë, duke mbetur si i vetmi vend në rajon që nuk gëzon regjimin pa viza me vendet e zonës së Shengenit. Lëvizja e lirë do të rritë cilësinë e jetës së qytetarëve tanë”, theksoi Ministrja Hoxha.

Sholtes ka inkurajuar punën e Ministres Hoxha dhe të Kosovës në tërësi, duke theksuar se shpreson që procedurat e mbetura për heqjen e vizave për qytetarët e Kosovës, e që janë në nivel të BE-së, do të kryhen brenda afateve.

E Kukan theksoi se Ballkani Perëndimor është brenda strategjisë dhe planit të zgjerimit të Bashkimit Evropian.