Haradinaj thotë se s’ka arsye për frikë nga ushtria e Kosovës

“Edhe Vuçiqi, edhe Serbia e dinë që shqiptarët nuk janë të atillë. Asnjëherë në histori shqiptarët nuk kanë kërcënuar dikë që jeton me ta. Vuçiqit i duhet guximi që popullit të vet t’ia shpjegojë që jeta në Kosovë nuk varet nga Beogradi”, tha Haradinaj.

Kryeministri Ramush Haradinaj ka deklaruar se askush nuk ka arsye të frikësohet nga transformimi i FSK-së në ushtri. Duke përmendur deklaratat e presidentit serb që ‘me këtë akt Beogradi do të përfundojë në qoshe, e çka mund të ketë pasoja tragjike’, Haradinaj ka thënë se ky është problem i mediave serbe dhe e propagandës atje.

“Edhe Vuçiqi, edhe Serbia e dinë që shqiptarët nuk janë të atillë. Asnjëherë në histori shqiptarët nuk kanë kërcënuar dikë që jeton me ta. Vuçiqit i duhet guximi që popullit të vet t’ia shpjegojë që jeta në Kosovë nuk varet nga Beogradi”, tha Haradinaj.

Sipas tij, Kosova do të jetë më e sigurt kur të përfundojë arkitekturën e institucioneve të sigurisë. Kryeministri, në margjina të Konferencës për Ekonomi në kuadër të Procesit të Berlinit për vendet e Ballkanit Perëndimor, që po mbahet në Budvë të Malit të Zi, ka zhvilluar një takim të përbashkët me kancelarin e Austrisë, Sebastian Kurz dhe kryeministrin e Malit të Zi, Dushko Markoviq. Gjatë takimit është biseduar për bashkëpunimin dhe integrimet rajonale, për të cilat kryeministri Haradinaj ka shprehur përkushtimin e Qeverisë së Kosovës që të jetë kontribuuese në këtë rrugë të përbashkët të vendeve të rajonit

---