Zhvillohet takimi i Këshillit NATO-Rusi

NATO Flag (Vector)

Takimi i Këshillit NATO-Rusi do të mbahet më 31 tetor në Bruksel, sipas një zyrtari të NATO-s.

“Takimi i Këshillit NATO-Rusi do të zhvillohet më 31 tetor 2018. Kjo është pjesë e qasjes paralele të NATO-s për një mbrojtje më të fuqishme dhe dialog kuptimplotë me Rusinë”, njoftoi ky zyrtar.

Ky do të jetë takimi i tetë i Këshillit NATO-Rusi në dy vitet e fundit, shkruan Alsat, përcjell Albinfo.ch.

Takimi do të zhvillohet pas tensionimit të marrëdhënieve midis Uashingtonit dhe Moskës, që erdhën pas njoftimit të presidentit të SHBA-së Donald Trump, për tërheqjen nga traktati i Armëve Bërthamore me Reze të Mesme (INF) që u nënshkrua në vitin 1987 ndërmjet SHBA-së dhe ish-Bashkimit Sovjetik.

Sekretari i Përgjithshëm i NATO-s, Jens Stoltenberg të mërkurën tha se Rusia shkeli traktatin duke shtuar se “nuk duam një Luftë të Ftohtë të re, nuk duam një garë të re armatimi”.