Ambasada e Gjermanisë njofton qytetarët të mos mashtrohen nga agjensitë

Ata ripërsërin se pa vizë pune nuk mund të punohet pas 1 janarit në Gjermani, shkruan albinfo.ch.

Ashtu siç kishte treguar edhe më parë në faqen e saj zyrtare, sot në një komunikatë për shtyp Ambasada e Gjermanisë edhe njëherë ka informuar mbi dezinformatat që shpërndahen se nga 1 janari 2019 shtetasit e Maqedonisë do punojnë pa vizë në Gjermani, shkruan albinfo.ch. Ambasada këto informacione i vlerëson si të pasakta. Ata ripërsërin se pa vizë pune nuk mund të punohet në Gjermani, shkruan albinfo.ch.

“Kërkesa për viza mund të bëhet vetëm në Ambasadën e Gjermanisë në Shkup dhe vetëm atje jepet vizë. Ne nuk bashkëpunojmë me agjenci tjera dhe prej tyre nuk mund të merret termin më herët ose të përshpejtohet procedura”, thonë nga ambasada.

Ata shtojnë se taksa për vizë prej 75 eurove paguhet kesh drejtpërdrejtë në sportelin ku bëhet kërkesa për vizë.
Shumë qytetarë të Maqedonisë bijnë pre e manipulimeve duke aplikuar për punë nëpër agjensi fantazmë.

---